Лајчак спокоен: Не очекувам драма во Косово на први септември

Лајчак: Не очекувам драма на 1 септември, рокот за табличките е два месеци.

Специјалниот пратеник на Европската унија за дијалог меѓу Белград и Приштина, Мирослав Лајчак денеска изјави дека остануваат уште два месеци за да се најде решение за проблемот со регистарските таблички.

Лајчак изјави дека верува оти ќе се најде решение како што е најдено за личните карти, додавајќи дека на партнерите им предложиле некои идеи.

На прашањето дали и Приштина го потврди рокот од два месеци, специјалниот претставник на ЕУ рече: „Да, се разбира“.

„Кампањата за пријавување започнува на 1 септември и треба да трае два месеци. Не очекувам драма на 1 септември. Нема причина за тоа. Имаме рок од два месеци да најдеме решение, како што најдовме во врска со личните карти“, изјави Лајчак и додаде дека мора да биде оптимист.

На новинарско прашање за решението за регистарските таблички и изјавите на српскиот претседател Александар Вучиќ дека не е оптимист дека ќе се најде решение до 1 септември, Лајчак рече дека не смета дека решението треба да се бара до тој датум.

Share on Facebook

Tweet

Follow us

Save