Левица: „ДПМНЕ повторно против набавка на нови автобуси за Скопје“
„Уште еднаш, во Советот на Град Скопје, советниците на ДПМНЕ го попречија напредокот на градот и покажаа целосно отсуство на грижа за граѓаните. И покрај тоа што во повеќе наврати беше предложена и поддржана од страна на Левица одлуката за набавка на нови еко-автобуси, која е од критично значење за подобрување на јавниот превоз и заштитата на животната средина, таа веќе две години не може да се реализира поради блокадите на ДПМНЕ“, реагираат денеска од опозициската партија Левица.
Во реакцијата се додава:
“Со нивната победа на локалните избори, тие го започнаа овој период на невидена стагнација и мизерија, а вчера, уште еднаш, го открија своето саботерско и деструктивно лице. Наместо да работат во интерес на граѓаните и да го поддржат развојот на градот, тие избираат да го попречуваат секој чекор кон напредок.
Нивниот лидер ги уверува граѓаните дека ќе ја одблокира работата на градот и Советот, но реалноста е сосема поинаква. Со ваквото однесување, граѓаните повторно се оставени на цедило, без надеж за подобрување на квалитетот на живот во градот. Очигледно е дека ДПМНЕ не е заинтересирана за напредок или благосостојба на луѓето, туку напротив, сака да гледа запалени автобуси низ улиците на градот и луѓе кои се соочуваат со секојдневни потешкотии.
Бесцелно е да се повикува на совеста на советниците од ДПМНЕ за да се преземе одговорност и конечно да се стави крај на оваа деструкција, со што ќе се обезбеди новиот и современ јавен превоз кој граѓаните го заслужуваат – тие тоа нема да го направат. Сега е времето на ДПМНЕ – на манипулации и блокади, наместо вистинска работа во интерес на сите скопјани“; велат од Левица.
ПОВРЗАНИ ВЕСТИ
Шасивари: Нулта толеранција за насилството врз жените
Случајот со 26-годишната девојка од Охрид, која…
19-годишен Македонец уапсен на српско-хрватската граница: ПРЕД…
Деветнаесетгодишен македонски државјанин е уапсен на српско-хрватската…
Бугарија не сака да ѝ дава повеќе…
Европа мора активно да учествува во преговорите…
Пронајдени и уништени 2.262 гранати кај Битола
Заврши откопувањето и безбедното отстранување на поголем…
Брнабиќ ја нападна РТС: Дали подготвувате терен…
Ана Брнабиќ упати остри критики до Радио…