Левица: Само со линеарно зголемување на пензиите ќе се заштитат најсиромашните пензионери

Левица изразува поддршка на протестите што беа организирани од страна на пензионерите ширум Македонија.

Овие протести, смета партијата, се одраз на непрекинатата борба за социјална правда на нашите постари сограѓани, кои со години работа наназад придонесувале за државата, а моментално се соочуваат со предизвици во однос на финансиска стабилност и задоволување на основните човекови потреби.

„На 14 август во Скопје, најавен е масовен протест, а нивните барања се минимална пензија од 20 илјади денари и линеарно зголемување на пензиите од 3500 денари. Левица ќе застане рамо до рамо со пензионерите на 14 август во Скопје и ќе ги поддржи во борбата за пристоен живот“, велат од партијата.

Левица уште еднаш ја потврдува својата искрена борба за социјална правда и поддршка за пензионерите со цел достоинствена пензија.

Share on Facebook

Tweet

Follow us

Save