Левица со демант: Не одиме во коалиција ниту со СДС, ниту со ДПМНЕ – Сами ќе настапиме на претстојните избори!

Политичката партија Левица преку социјалните мрежи испрати демант нагласувајќи дека партијата нема да настапува во предизборни коалиции, туку самостојно.

– Во целост ги демантираме дезинформациите што кружат во јавноста дека наводно преговараме за предизборни коалиции во пресрет на претстојните локални избори!

Левица не води никакви разговори ниту со СДС, ниту со ДПМНЕ, а најмалку со ДУИ или било која друга партија за коалицирање.

Нашиот став по однос на предизборните коалиции е јасен и непроменет – забрана на предизборните коалиции!

Левица ќе настапи САМОСТОЈНО, без политички пазари и без партиски договори зад затворени врати.

Спроведениот јавен повик за кандидирање за градоначалници преку Левица е доказ за нашата отвореност кон граѓаните и потенцијалот на Републиката – поддржуваме луѓе со интегритет, без оглед дали се партиски членови или не, сè додека ја делат визијата за промена и конечно функционална локална самоуправа во служба на граѓаните. – стои во демантот на Левица.

Share on Facebook

Tweet

Follow us

Save