INFOMAX.MK

Несанкционираното самоволие на неколку локални моќници и натаму продолжува, а со одобрение на градоначалникот Кирил Пецаков, локалната власт и Владата предводена од ДПМНЕ продолжува и бетонската узурпација на охридското крајбрежје. – велат од Левица.

Охридското езеро, градот Охрид и статусот за заштита на УНЕСКО, денес се загрозени повеќе од било кога, а урбаната мафија продолжува да ужива во нивните можности за напредок на бизнисите и остварување на поголем капитал за време на летната сезона, а и инспекторите вклучени во организираната корупцијаат уживаат во комфорна зона во нивните удобни фотелји.

Земаме предвид дека секоја страна има своја верзија, сакаме да ја слушнеме и верзија и од надлежните институции, како овие овие моќници можат да узурпираат, а со тоа да остваруваат профити, а езерото да биде заробеник на интересите на поединци.

Пред неколку месеци Политичката партија Левица реагираше за градежни зафати на самиот езерески брег кај Канео за што и поднесе Иницијата за вршење вонреден инспекциски надзор. Од службата доби одговор дека се гради од „непознат сторител“. Овие денови сме сведоци дека и пред плажата пред Хотел Аквалина „непознати инвеститори“ го прошируваат брегот.

Бараме одговорност за градоначалникот Пецаков и инспекциските служби кои работат спротивно на Законот и препораките на УНЕСКО со што ја злоупотребуваат службената положба.