INFOMAX.MK

Политичката партија Левица го осудува говорот на министерката за финансии, Гордана Димитриеска Кочоска која на пратеничката Славјанка Петровска ѝ кажа дека нема право да зборува за семејство бидејќи нема деца.

– „По овој скандалозен чин, како и претходниот инцидент со вербални навреди кон нашата пратеничка Јована Мојсоска од страна на Петар Ристески од ВМРО-ДПМНЕ, очигледно е дека Мицкоски ги избира своите најблиски соработници по нивото на ароганција. Овие подли, мизогини и недостојни изблици на вмровските политичари ги гледаме многу кратко по преземањето на кормилото на државата, што покажува за опасната траекторија по која се движиме. Очекуваме осуда за овој говор од Клубот на пратенички и Комисијата за еднакви можности на жените и мажите при Собранието на Република Македонија“, велат од Левица за Инфомакс.