Левица удри по Тренчевска: Покачувањето на пензиите е понижувачко – Што се 850 денари во време на криза?!

t

Долгонајавуваното покачување на пензиите е понижувачко, велат од Левица од каде што посочуваат дека во Македонија богатите стануваат побогати, а сиромашните посиромашни.

– ДОЛГОНАЈАВУВАНОТО ЗГОЛЕМУВАЊЕ НА ПЕНЗИИТЕ Е ПОНИЖУВАЧКО

Во изминативе месеци во кои граѓаните се чуствуваат немоќно во однос на општите поскапувања за живеење, Владата на СДС и ДУИ, во манипулативен манир, реши да се поигра со достоинството на пензионерите.

Долгото најавување на зголемувањето на пензиите на пензионерите, беше со цел амортизација на незадоволството на дел од граѓаните – со што Владата на СДС и ДУИ покажа дека нема намера да го заштити достоинство на пензионерите.

Пред само неколку дена, анти-државната Влада, преку Министерството за труд и социјална политика, изјави дека ова фамозно и долгоочекувано зголемување на пензиите ќе изнесува едвај 850 денари!

Во услови на економска криза, проследена со речиси двојно зголемување на цените на основните прехрамбени продукти како и зголемувањето на струјата од над 30 отсто, апсурдно и крајно понижувачки е МТСП да се фали со зголемување на пензиите од 850 денари.

Срамно е што покачувањето на пензиите од неполни 7 отсто, се однесува за сите пензионери подеднакво, па така оние пензионери кои земаат највисоки пезнии ќе добијат и најголемо покачување од 1 500 денари, што е уште еден доказ дека во Република Македонија богатите стануваат побогати, а сиромашните уште посиромашни, велат од Левица.

Претходно Министерството за труд и социјална политика и Владата објавија дека пензиите ќе бидат зголемени за 6,8%, што го нарекоа историско зголемување на пензиите и грижа за пензионерите.

ПОВРЗАНИ ВЕСТИ

Левица не ја поддржа изградбата на две…

Советниците од политичката партија Левица на денешната…

Левица предлага државата да ви го врати…

Пратениците на Левица поднесоа Предлог-закон за семејна…

Манасиевски: Го снема Филипче по успехот на…

По успехот кој го имаше СДС на…

Левица: Прифаќаме преговори, но само во рамки…

Понудата на Мицкоски за учество на опозицијата…

Левица до Филипче и Мицкоски: Немаме хипотеки…

Присуството на Левица на јавната трибина „Што…