Лица со фалсификувани патни исправи фатени на Табановце и Меѓународниот аеродром Скопје!

На 19.01.2024 во 10.20 часот на Граничен премин Табановце, полициски службеници го лишиле од слобода Д.М.(53) од Република Србија. При пасошка контрола и проверка, тој на увид приложил бугарска возачка дозвола и бугарска лична карта, за кои по извршени проверки било констатирани дека се фалсификувани. Лицето било предадено во Полициската станица Куманово и во координација со јавен обвинител, Одделението за прекуграничен криминал, миграции, странци и реадмисија Куманово против него поднесе кривична пријава по член 378 од кривичниот законик – „фалсификување исправа. 

На 19.01.2024 во 10.10 часот на Граничен премин „Меѓународен аеродром Скопје”, полициски службеници го привеле О.А.(39) од Република Турција затоа што при пасошка контрола и проверка било констатирано дека шпанската шенген виза и британската виза во неговата патна исправа биле фалсификувани. Лицето било предадено на полициски службеници од Отсекот за прекуграничен криминал при регионалниот центар за гранични работи Север за понатамошна постапка. 

Share on Facebook

Tweet

Follow us

Save