Лога: ЕУ еднаш ја жртвуваше Македонија заради Албанија, сега треба да важи истата логика

Поранешниот министер за правда, Кренар Лога, на Фејсбук ги коментира гласините дека Албанија ќе го продолжи европскиот пат без Македонија. Лога истакна дека Македонија еднаш беше жртвувана заради Албанија, истата логика треба да биде и сега.

Во продолжение неговата објава на Фејсбук.

– Северна Македонија и Албанија не треба да се раздвојат од заедничкиот процес на европска интеграција. Иако ова може да изгледа патетично, неопходно е за сите нас што живееме во Македонија. Пред неколку години, Северна Македонија беше таа што, иако очигледно понапредна во повеќето стандарди, беше „жртвувана“ поради Албанија, и ова беше поддржано тивко и јавно. Денес, истата логика, истата геополитика и истата геостратегија треба да важат и обратно; треба да им се помогне на граѓаните на оваа земја и на овој процес (иако меѓународните пријатели направија многу).

Сега, за жал, по 100 дена од новата влада, стана јасно дека некој масовно ги излажал македонските гласачи ветувајќи дека ќе ги репреговара процесите, и ако денес нè остават во слободен пад, тогаш само што имате дадено подарок на анти-ЕУ линијата, „Српскиот свет“, Русија и оние што посакуваат конфликти на Балканот. Ние сме како лошиот ученик кој, без да се користи притисокот и дисциплината, не ги прави задачите. Затоа, дајте ни повеќе „стапови“, но не не оставајте да паднеме.

Европа без Северна Македонија не е целосна! – напиша Лога.

Share on Facebook

Tweet

Follow us

Save