Лозарите со барања до Љупчо Николовски и винариите: Какви мерки предлагаат?

“Здружението „Тиквешки лозароовоштари” бара од винариите да кажат колку грозје планираат да откупат годинава, со која шеќерност и по која цена.

Ова е само едно од барањата на ова регионално здружение, кои ги имаат испратено до Министерството за земјоделство, шумарство и водостопанство и министерот Љупчо Николовски.

Претседателот на здружението, Дане Јошев, денеска информира дека бараат средба со ресорниот министер.

– Веднаш да се донесе закон со којшто ќе се гарантира минимална откупна цена на грозјето и тоа по шеќерни единици. За „вранец” од 19 шеќерни единици, 18 денари по килограм. За ,,смедеревка” од 17 шеќерни единици, 16 денари за килограм, појасни Јошев.

Меѓу барањата е и за обесштетување за последици од суша. Да се изгради дестилерија, за решавање на проблемот со вишокот на грозје.

– Зелената нафта е добра мерка, од која се задоволни земјоделците и треба да продолжи, дециден беше Јошев.” пишува Мак Прес
Линк до веста:
https://makpress.mk/Home/PostDetails?PostId=451500

Share on Facebook

Tweet

Follow us

Save