Лукашенко одобри потпишување на важен договор со Русија

Претседателот на Белорусија Александар Лукашенко го одобри нацртот на меѓувладиниот договор со Русија за соработка во транспортот на стоки преку руските пристаништа, објавено е денеска на официјалната државна веб-страница Pravo.by.

Во соопштението се наведува дека одобрениот нацрт е основа за преговори за договор за соработка во областа на транспортот на одредени видови товар преку коридори низ териториите на Белорусија и Русија.

Се додава дека Министерството за транспорт на Белорусија е овластено да води преговори и да го потпише соодветниот договор, пренесува РИА Новости.

Претходно белорускиот премиер Роман Головченко најави дека Минск и Москва имаат намера да потпишат договор за транзит на белоруски надворешно-трговски товар преку руските пристаништа.

Во август 2020 година, Лукашенко најави можна преориентација на трговските текови од балтичките пристаништа во други насоки.

Share on Facebook

Tweet

Follow us

Save