Маглата го поремети авиосообаќајот на скопскиот аеродром, доцнат летови, еден е откажан

Маглата во скопската котлина денеска предизвика пореметување во авиосообраќајот на Меѓународниот аеродром. Дел од летовите се реализираат со задоцнување, а еден лет е целосно откажан.

Временските услови влијаат и на слетувањата и на полетувањата.

Најголемо доцнење во пристигнувањата има летот на „Пегасус“ од Истанбул (Сабиха Гокчен). Летот на „Виз Ер“ од Дортмунд ќе пристигне со половина час задоцнување, додека летот на „АЏет“ од Истанбул е откажан. Летовите од Нирнберг, Фридрихсхафен и Виена засега се реализираат според распоредот.

Доцнења се регистрирани и кај заминувањата од Скопје. Летот на „Виз Ер“ за Париз е одложен за 35 минути и ќе полета во 13:00 часот. Летот на „Туркиш Ерлајнс“ за Истанбул ќе полета со задоцнување од еден час и 20 минути, односно во 14:20 часот.

Share on Facebook

Tweet

Follow us

Save