Мадуро го подржа Лавров во ОН: Не може Америка да зборува во име на целото човештво

Венецуелскиот претседател Николас Мадуро го поддржа говорот на рускиот министер за надворешни работи Сергеј Лавров во Советот за безбедност на ОН, кој меѓу другото рече дека Америка нема право да зборува во име на целото човештво.

„Целосно поддржувам се што рече министерот за надворешни работи на Русија во Советот за безбедност. Тој ја кажа чистата вистина и ние се согласуваме со тоа што го кажа. Доста е од светот на ароганцијата, униполарниот свет и хегемонијата на американскиот империјализам и неговите европски вазали“, изјави Мадуро за венецуелската телевизија.

А ние исто така велиме дека никој не му дал право на Западот да зборува во име на целиот свет, додаде Мадуро и нагласи дека меѓународната заедница ја сочинуваат 194 земји, а не група земји кои имаат комплекс на ароганција уште од колонијалното време.

Share on Facebook

Tweet

Follow us

Save