Маж во Кина украл 570.000 евра со помош на вештачка интелигенција

Kрадец во Кина користел вештачка интелигенција за да го промени својот изглед и да се претстави како пријател на бизнисмен од кого изнудил повеќе од половина милион евра, соопштија властите. Жртвата, познат само по презимето Гуо, изјави дека во април добил видео повик од лице кое изгледало и звучело исто како еден негов пријател.

Но, лицето со кое разговарал било измамник „кој користел технологија за вештачка интелигенција за да го промени својот изглед“, се вели во написот објавен во понеделникот во весник од Фужоу, на истокот на земјата.

Ништо не му изгледало сомнително на човекот за време на видеоповикот
Крадецот го уверил „пријателот“ дека итно му требаат пари за да плати гаранцијата за јавен тендер. Така успеал да го убеди Гуо да му плати 570.000 евра од банкарската сметка на неговата компанија. „За време на видеоповикот бев сигурен дека тоа е лицето и гласот на личност која ја познавам и не се сомневав во ништо“, рекол бизнисменот, пишува весникот во описот.

По уплатата, Гуо испратил СМС на пријателот чиј идентитет го украл крадецот.

Кога ја видел реакцијата на својот пријател, кој очигледно не знаел за трансакцијата, претприемачот сфатил дека е измамен и повикал полиција.

Вториот и наредил на банката да не ги исплати парите и на Гуо му биле вратени 450.000 евра, пишува весникот. Измамниците не се пронајдени.

Употребата на вештачка интелигенција за злодело е под зголемена контрола ширум светот, особено откако американската компанија OpenAI во ноември го лансираше ChatGPT, робот за разговор што го имитира човечкиот глас.

Интерфејсот не е достапен во Кина, но ChatGPT е предмет на многу дискусии на социјалните медиуми и големите кинески технолошки компании се натпреваруваат да создадат слични алатки.

Share on Facebook

Tweet

Follow us

Save