Македонија е подготвена да ѝ помогне на Грција за справување со пожарите, истакна Петровска

Македонија е подготвена да ѝ помогне на Грција за пожарите. Министерката за одбрана Славјанка Петровска во телефонски разговор со нејзиниот грчки колега Никос Дендиас ја изразила подготвеност на нашата земја да ѝ помогне на Грција во справувањето со пожарите, јави дописничката на МИА од Атина.

За телефонскиот разговор министрите вечерва информираа преку социјалните мрежи.

-Во телефонски разговор со мојот грчки колега Никос Дендиас, изразив подготвеност да помогнеме во справувањето со пожарите кои го имаат зафатено нашиот сосед и сојузник во Алијансата. Се согласивме дека како соседи, но пред сѐ како пријателски и сојузнички земји, многу е важно взаемно да си помагаме, напиша на Фејсбук министерката Петровска.

Share on Facebook

Tweet

Follow us

Save