Македонија има обврска да го чува и развива идентитетот на Власите, вели претседателот Пендаровски

Шефот на државата, Стево Пендаровски упати честитка по повод 23 Mај – Националниот ден на Власите.

-На овој ден во 1905 година бил издаден декрет со којшто во рамките на Отоманската Империја била призната реалноста дека Власите се посебен народ со свој јазик, своја култура и со свој идентитет. Со тоа се отвори ново поглавје во долгата и богата историја на влашкиот народ, што сведочи и за големиот придонес на Власите во борбата за слободна и независна македонска држава.

Денес, припадниците на влашката заедница во Македонија го остваруваат правото на граѓанско и на политичко организирање, уживајќи ги сите права како и другите етнички заедници. Власите активно придонесуваат во општествените текови и во сите сегменти на секојдневното живеење, објави претседателот.

Пендаровски посочува дека обврска на Република Македонија е да продолжи да го чува, развива и да го промовира етничкиот, јазичниот и културниот идентитет на Власите во духот на европските вредности.

Share on Facebook

Tweet

Follow us

Save