Македонија има силна поддршка од Обединетото Кралство за натамошниот развој на земјата

Имаме силна поддршка од Обединетото Кралство во натамошниот развој на нашата земја, согласно државните стратешки интеграциски цели, напиша на Фејсбук премиерот Димитар Ковачевски по средбата со британскиот амбасадор во Македонија, Метју Лосон.

– Граѓаните на Македонија имаат конкретна можност, појасна од кога било, за унапредување на квалитетот на живот, а државата за економски напредок. Ваквите околности бараат политичка храброст и зрелост во одлучувањето за натамошните чекори, оценивме на денешната средба со британскиот амбасадор во земјава, Метју Лосон.

Благодарност до Обединетото Кралство за искреното пријателство, што се одразува со поддршка за сите клучни процеси од значење за нашиот демократски и економски развој, напиша Ковачевски.

Share on Facebook

Tweet

Follow us

Save