Македонија на врвот на листата депортации од Германија – За една година „ни вратиле“ 1.177 лица

Бројот на депортирани од Германија годинава е значително поголем од лани, па така во првиот квартал од 2024 година бројот на депортации е зголемен за една третина, пренесува Алсат.
Според податоците на германската влада, од јануари до март годинава од Германија биле депортирани 4.791 лице или за околу 34 отсто повеќе во споредба со истиот период лани.

Македонија е на врвот на листата на депортации. Во првиот квартал од 2024 година од Германија биле депортирани 483 граѓани на Македонија, а во текот на целата измината година 1.177.

Од 483 депортирани државјани на Македонија во првиот квартал од 2024 година, 233 се жени, а 227 малолетни.

На второ место по бројот на депортации е Турција каде се вратиле 449 граѓани. Потоа Грузија (416), Авганистан (345) и Србија (312).

Share on Facebook

Tweet

Follow us

Save