Македонија на врвот по број на невакцинирани деца

Малите сипаници, дифтеријата и детската парализа, се дел од болестите на кои се изложени невакцинираните деца. Во Македонија сè уште не е достигнат препорачаниот праг за колективен имунитет, утврден и со програмата за задолжителна имунизација, 95 проценти на национално и 90 проценти на локално ниво.

Ковид-пандемијата значително ја намали имунизацијата во земјава. Здравствените власти и УНИЦЕФ преку кампања теренски ќе ги информираат родителите за придобивките од навремената вакцинација.

Според податоците на надлежните, сите вакцини што се примаат до 12 месеци, со исклучок на пневмококната и рота-вакцината, достигнале опфат од околу 84 насто. Со МРП-вакцината, покриеноста е 70 насто. Забележано е и значително зголемување на опфатот со ХПВ, со над 50 проценти.

Share on Facebook

Tweet

Follow us

Save