Македонија ќе увезува пченица и од Бугарија
Mинистерот за земјоделство, шумарство и водостопанство Љупчо Николовски доцна синоќа на својот фејсбук профил соопшти дека е договорен увоз на пченица и од Бугарија.
-Доцна вечерва би сакал да ја соопштам и оваа позитивна вест директно од овде, од Берлин. Со мојот колега, министерот за земјоделство на Република Бугарија, Иван Иванов, договоривме дека од Република Бугарија ќе обезбедиме дополнителни количества на пченица. Заедно со нашите соседи на ваков начин градиме вистинско добрососедство и сплотени многу полесно ќе ја пребродиме и ќе се справиме со постоечката криза, напиша Николовски.
Министерот е во Берлин каде вчера, на покана на германскиот министер за храна и земјоделство Џем Оздемир, учествуваше на министерската конференција во рамки на Берлинскиот процес и Дијалогот за земјоделска политика меѓу Германија и Западен Балкан.
Претходниот месец беше постигнат договор и со Србија, да ја изземе земјава од забраната за извоз на пченица и други прехранбени суровини.
ПОВРЗАНИ ВЕСТИ
Полиција пред штабот на „Вреди“ додека ДУИ…
Кордон полицајци е распореден пред штабот на…
Битиќи: Коалицискиот капацитет ќе биде одлучувачки за…
„За вториот круг на претседателските избори клучно…
Уапсен Турчин на Деве Баир, на увид…
Вчера во 20.25 часот на Граничниот премин…
Дончиќ со тројки го „разнесе“ Клиперс и…
Кошаркарите на Далас маверикс триумфираа против Лос…
Тешки денови за Вардар, крај на сезоната…
Најтрофејниот македонски фудбалски клуб Вардар доби лоши…