Македонка во Австралија ја уби 85 годишната сосетка – доби 8 години затвор

Македонката Милена Богојевска (51) е осудена во Австралија на 8 години затвор откако се изјасни за виновна за убиство од небрежност на 85-годишната сосетка Лолин Вајтхенд.

Овој случајот е од јули 2024 година во Мелбурн.

Богојевска ја задушила старицата, а потоа го сокрила телото во кеса и го фрлила во реката Марибирнонг. Телото било пронајдено два дена подоцна од рибар.

По смртта на сосетката, Богојевска од нејзиниот дом украла пари, накит, банкарски картички и лични документи.

Со украдените средства купувала лотариски тикети, ваучери, чевли и iPad-и во вредност од речиси 4.000 австралиски долари.

Обвинителството првично ја товареше за убиство, но подоцна беше прифатено изјаснувањето за убиство од небрежност.

Share on Facebook

Tweet

Follow us

Save