Македонската кошаркарска репрезентација ја победи Бугарија во пријателски меч

Македонската кошаркарска репрезентација оствари победа над Бугарија со конечни 91-87 во пријателскиот натпревар одигран во салата „Лазар Лечиќ“ во Скопје.

Избраниците на Жозеп Мариа Берокал одиграа далеку подобар меч од оној пред неколку дена во Бугарија.

Двете селекции одиграа прилично тврд и неизвесен меч.

На паузата резултатот гласеше 45-43, а потоа ривалот ја доби третата четвртина, но Македонија заигра подобро во последните десет минути.

На шеесетина секунди до крајот, нашите кошаркари имаа +4 (83-79), а на крајот триумфираа со конечен резултат 91-87.

Најдобри поединци кај Македонија беа Стјуарт Џуниор со 26 поени и Виктор Ефремовски, кој додаде уште дванаесет, додека во редовите на бугарската репрезентација, по 19 поени постигнаа Младенов и Алипиев.

Share on Facebook

Tweet

Follow us

Save