Македонскиот каратист Вукашин Јовановиќ е светски универзитетски првак

Вукашин Јовановиќ донесе злато за Македонија на Светското универзитетско првенство во боречки спортови во карате во Бразилија, Бразил.

Во категоријата -67 кг., нашиот натпреварувач во борбата за златниот медал триумфираше против Белгиецот Амин Абделмалки со резултат 2:2 (3:2) по судиско изјаснување.

Претходно во групата А запиша победи над Мартин Густаво Асерето Коротеа од Чиле, Сирапат Чумвонг од Тајланд и Хосеиф Вафа од Иран.

Јовановиќ во четвртфиналето со 8:0 го совлада Заморан Кабељо Шоте, а во полуфиналето со 8:4 триумфираше повторно над Иранецот Вафа.

Ова беше четврти медал за нашата земја на Светското универзитеско првенство, претходно Стефан Стојановиќ дојде до бронзата во категоријата над 84 кг., потоа машката кумите репрезентација се закити со среброто, а бронза има женската кумите репрезентација.

Share on Facebook

Tweet

Follow us

Save