Македонскиот олимписки комитет бара разрешување на Наумче Мојсовски по најавата за кривична од ДКСК

Брзо по информацијата дека Државната комисија за спречување корупција (ДКСК) побарала кривична пријава за Наумче Мојсовски, со реакција се јави и претседателот на Македонскиот олимписки комитет (МОК), Даниел Димевски кој побара разрешување на актуелниот претседател на Агенцијата за млади и спорт (АМС) и стопирање на ваучерите за 2023 година.

По три години анализа на начинот на доделување на спортските ваучери, членовите на Антикорупциска комисија се согласија дека треба да се иницира кривично гонење на директорот на Агенцијата за млади и спорт Наумче Мојсовски и на членовите на Централната комисија за евалуација на предлог-листите за доделување спортски ваучери.

Освен тоа, антикорупционерите ќе побараат и од Владата да се утврди одговорност за лицата именувани од нејзината страна, од Управата за јавни приходи ќе бараат засилен надзор врз спортските федерации, клубови и поединци, корисници на ваучерите, и од Министерството за правда да се изготви нова законска регулатива заради обезбедување услови за поправична распределба на парите.

Членот на Комисијата Владимир Георгиев кој извести за овој проблем посочи на бројни незаконитости во распределбата на средствата од даночно ослободување, кои изнесуваат околу една милијарда денари годишно, поради што континуирано во изминативе неколку години, се оштетува државниот буџет, како и субјектите кои имало право на овие пари, а поради не не ги добиле.

Share on Facebook

Tweet

Follow us

Save