Македонските деца не се финансиски писмени

Македонските ученици не се доволно финансиски писмени. Имаат само основни познавања, но и тоа не знаат како да го применат.

Финансиската писменост кај учениците од основно образование е на ниско ниво покажа анализата на Бирото за развој на образованието.

Учениците имаат познавање за базичните поими, но не и за применување на финансиската писменост. Министерството и сите надлежни институции развиваат програми за најмладите да научат како да управуваат со сопствените средства, да штедат, да вложуваат, да предвидуваат ризик. Покрај темите во одредени предмети учениците имаат и изборни предмети.

Давателите на финансиски услуги често агресивно, неретко дури и лажно рекламираат комплексни финансиски продукти кои се надвор од можноста за разбирање од страна на мнозинството граѓани истакна гувернерот на Народната банка, Трајко Славески.

Истражувањата покажуваат во земјава речиси 56 отсто од населението е финансиски писмено.

Share on Facebook

Tweet

Follow us

Save