Македонски државјанин баран со меѓународна потерница уапсен во Косово

Косовската полиција вчера во Урошевац уапсила македонски државјанин по кого била распишана меѓународна потерница.

Во синоќешното соопштение на косовската полиција се наведува дека 50-годишниот македонски државјанин, со иницијали Х.Ф., е уапсен во заедничка акција на ФАСТ со единицата за истрага на наркотици во Урошевац, јавува МИА.

-На 14.10.2024 година, во градот Урошевац, од страна на Управата за меѓународна полициска соработка на КП, поточно единицата ФАСТ, поддржана од одделението за истрага на наркотици во Урошевац, е извршена координирана полициска акција, при што е приведен граѓанинот од Северна Македонија со иницијали Х.Ф., (година на раѓање 1974), кој со меѓународна потерница од Република Северна Македонија е баран за издржување казна затвор во траење од шест години – се наведува во соопштението.

По завршување на постапките, со решение на Специјалното обвинителство, осомничениот е испратен во полициски притвор во траење од 48 часа, за да продолжи со другите законски постапки, информираат од полицијата.

Share on Facebook

Tweet

Follow us

Save