Македонците во Пустец повторно го избраа Колефски

Пали Колефски и во наредните четири години ќе ја води албанската општина Пустец, што ќе биде негов мандат. Ова е исходот од вчерашните локални избори кај нашиот западен сосед.

Тој во објава на Фејсбук се заблагодари и порача дека „Преспа ќе продолжи да живее” и оти жителите на општина Пустец го избрале најдоброто.

-Преспа ќе продолжи да живее, жителите на Општина Пустец го избраа најдоброто. Драги мои прво да ви се заблагодарам на огромната и безрезервна поддршка на овие избори а од утре продолжуваме со макотрпна работа, од утре продолжуваме да работиме за Општина Пустец да стане уште подобро место за живеење. Оваа победа не е само моја, оваа победа е ваша, оваа победа е за сите нас заедно. Уште еднаш ви БЛАГОДАРАМ ОД СЕ СРЦЕ, објави Колефски.

Според првичните информации, за Колефски гласале 63,8 отсто, додека за неговиот противкандидат Панди Јани 36, 2 отсто. Колефски доаѓа од владејачката Социјалистичка партија.

Во избирачкиот список во Пустец запишани се 4.364 лица со право на глас. Општината е населена 100 отсто со Македонци.

Share on Facebook

Tweet

Follow us

Save