Макрон со реакција по случувањата во Белата куќа: Русија е агресор, Украина е жртва!

Францускиот претседател Емануел Макрон истакна дека Русија е агресор во војната против Украина по жестоката расправа меѓу украинскиот претседател Володимир Зеленски и американскиот претседател Доналд Трамп во Белата куќа на 28 февруари.

„Постои агресор, Русија и нападнат народ, Украина“, изјави Макрон за новинарите во Португалија.

Тој нагласи дека поддршката за Украина и санкционирањето на Русија била правилна одлука пред три години и така останува и денес.

„Мораме да им се заблагодариме на сите што помогнаа и мора да ги почитуваме оние кои се борат од почетокот“, додаде тој.

Зеленски се сретна со Трамп во Овалната соба додека двајцата лидери се очекуваше да потпишат рамковен договор за природните ресурси на Украина.

Неговата посета уследи по неколкунеделни напнати преговори. Украина отфрли два првични нацрт-предлози, тврдејќи дека тие наметнуваат еднострани обврски на Киев без безбедносни обврски од Вашингтон.

Состанокот заврши без договор, откако на 45-минутниот брифинг за новинарите меѓу Зеленски и Трамп настана кавга.

По разговорите, Трамп рече дека Зеленски „не е подготвен за мир“ и го обвини за непочитување на САД во Овалната соба.

„Може да се врати кога ќе биде подготвен за мир“, објави Трамп на Truth Social.

Зеленски рано ја напушти Белата куќа без да потпише договор за минерали со Соединетите држави по жестоката размена со Трамп.

Share on Facebook

Tweet

Follow us

Save