Мандатарката убедена дека ќе стане премиерка на Бугарија: “Ќе имаме експертска влада”

„Сега е време Бугарија да има влада“, изјави за медиумите Марија Габриел, кандидатка за премиер на Бугарија, пренесоа бугарските медиуми.

Дека тоа е правилно смета и лидерот на ГЕРБ, Бојко Борисов. Тој одби да ги коментира позициите на ПП-ДБ.

„За мене сега е време да преминеме во следната фаза – поддршка за влада со прв мандат, експертска влада 1 година со конкретни имиња. Останувам отворена за разговори со сите. Ќе го исполнам мандатот и ќе се вратам кај претседателот на Република Бугарија“, категорично изјави таа.

Повторно прашана за ставот на ПП-ДБ и дали ГЕРБ-СДС ќе поддржи влада со втор мандат, Марија Габриел одговори: „Не гледам политичка логика во таквата одлука“.

Според неа, разговорите за кабинет се префрлаат во следната фаза – ќе се разговара за структурата на Советот на министри.

„Одржавме цела недела состаноци, за мене сега е време да преминеме во следната фаза – поддршка за влада со прв мандат со јасни теми и приоритети, експертска влада една година, но сега ќе зборуваме за имиња. и состав на Министерскиот совет“, рече Габриел.

Марија Габриел објасни дека со поднесувањето на оставката како еврокомесар, ги почитувала договорите на ЕУ и уставните норми на Бугарија.

Share on Facebook

Tweet

Follow us

Save