Марин: Нема да има нуклеарно оружје на нашата територија

Прашањето за распоредувањето на базите на НАТО и нуклеарното оружје во Финска нема да биде тема на разговор, откако земјата ќе влезе во Алијансата, изјави финската премиерка Сана Марин.

„Тоа не е тема на разговор“, истакна таа во интервју за италијанскиот весник „Кориере дела сера“.

Според Марин, се зависи од националните одлуки на земјата, никој не може да и наметне на Финска нешто што народот не го сака.

Таа е сигурна дека по влезот на земјата во НАТО, Финска ќе го задржи статусот на посредник во меѓународните процеси, што ја издвојуваше додека беше неутрална.

„Влезот на земјата во НАТО ќе биде чин на мир, а не објава на војна“, додаде Марин.

Share on Facebook

Tweet

Follow us

Save