Маричиќ: ЕУ работи на забрзана интеграција на Западен Балкан по руската агресија во Украина

Ниту една слабост нема да остане незабележана за време на скринингот, кажа вицепремиерот за европски прашања Бојан Маричиќ во гостувањето на ТВ21. Според него, целта на скринингот е од фаза на известување за напредокот, да се навлезе во фаза на листа на задачи и рокови за тие задачи со цел зачленување во Европската унија.

Истакна дека претстои процес на реформи од кој корист ќе имаат граѓаните.

-Системот за вработување во јавна администрација е на пример долгорочна борба. Треба да изградиме таков систем што ќе овозможи да влегуваат најдобрите, без разлика на партиска припадност, рече Маричиќ.

Посочи дека после долго време е променета атмосферата во Брисел во однос на процесот на проширување.

-После нападот на Русија врз Украина се враќа на маса геостратешкиот момент. Сфаќаат дека е неопходно да се направи план за интегрирањето на земјите од Западен Балкан, истакна Маричиќ.

Share on Facebook

Tweet

Follow us

Save