Маричиќ му врати на Џамбаски: Помалку емоции, повеќе факти

Две вистини треба да се прифатат во Македонија и Бугарија, а тоа е дека Втората светска војна е завршена пред повеќе од 70 години, а второ дека Студената војна заврши пред повеќе од 30 години, му порачал вицепремиерот за европски прашања, Бојан Маричиќ на бугарскиот европратеник Ангел Џамбаски кој е познат по провокациите кон Македонија и Македонците.

Маричиќ додал дека добрососедските односи и продлабочувањето на регионалната соработка се високо на агендата на Владата на Македонија, бидејќи тоа е од заеднички интерес и Македонија и на Бугарија.

-Остануваме посветени на добра волја да ги спроведуваме билатералните договори и дополнително да ги зајакнуваме добрососедските односи, со што помалку емоции, а што повеќе факти и заеднички активности. Важно е напорите да се од двете страни на границата. Само така ќе имаме стабилно пријателство. Сè друго ќе биде разбрано како уцена, како притисок, и тоа може да раѓа фрустрација и такви изливи какви што видовме на стадионот во Скопје, посочил Маричиќ.

Share on Facebook

Tweet

Follow us

Save