Маричиќ: Патот кон ЕУ ни е отворен, само треба да ги исполниме обврските

Заменик претседателот на Владата задолжен за европски прашања, Бојан Маричиќ во вечерашното издание на „Трилинг“ изјави дека имаме јасни обврски од целиот пакет, јасни обврски од Протоколот којшто беше потпишан во Софија, и дека со тоа за Македонија патот е отворен само треба како држава да ги спроведуваме нашите обврски, додавајќи дека со одржавањето на првата Меѓувладина конференција и првата сесија на скринингот на земјата ѝ се отвора еден пат за движење, на чекорење напред.

Околу унилатералната изјава со Софија, вицепремиерот Маричиќ истакна дека и двете држави дале унилатерални изјави, кои немаат никаква важност за целокупното користење на македонскиот јазик во Европската Унија ниту пак за ставот на другите држави членки.

-Тоа значи само дека Софија изразува свој став како што има изразено и во Обединетите Нации кога ни беше впишан македонскиот јазик. Ние го изразивме нашиот став и тоа понатаму прашање не очекуваме да се споменува, очекуваме во наредните денови да го потпишеме договорот за ФРОНТЕКС со македонски јазик, каде што и Бугарија ќе го потпише како една од државите членки и сметаме дека за нас ова прашање е затворено, рече Маричиќ, потенцирајќи дека не очекува ова прашање понатаму тоа да се отвора бидејќи имаме јасни обврски од целиот пакет, имаме јасни обврски од Протоколот којшто беше потпишан во Софија.

Share on Facebook

Tweet

Follow us

Save