Масовна тепачка меѓу навивачи на автопат во Хрватска

Немили сцени се видени во Хрватска на автопатот А6 во близина на Риека, според медиумите во оваа земја, каде што навивачите на Хајдук и Риека се степале, а очигледно се сретнале на пат кон гостувањата на нивните клубови оваа недела.
Навивачите на Хајдук отпатуваа за Пула на натпреварот помеѓу Истра и Хајдук, додека навивачите на Риека беа на пат кон Осиек.

Инцидентот се случил на наплатната рампа околу 15 часот и 30 минути, а во тепачката учествувале повеќе лица, соопшти полицијата.

Брзата интервенција на полицијата спречи натамошен конфликт и појава на поголема материјална штета.

Учесниците на оваа крвава гозба се приведени и по нив се води кривична истрага. На повредените во тепачката им била укажана лекарска помош.

На социјалните мрежи брзо се појавија видеа и фотографии од инцидентот на кои се гледа како маскирани хулигани се тепаат.

Армада и Торцида се големи ривали и омразата меѓу нив веројатно е втора по ривалството меѓу Динамо и Хајдук.

Share on Facebook

Tweet

Follow us

Save