Масовни протести во Лисабон: Трошоците веќе се неподносливи, платите мали

Неколку илјади државни службеници и работници од приватниот сектор од цела Португалија се собраа синоќа во Лисабон барајќи зголемување на платите и мерки за справување со зголемените трошоци за живот.

Насобраните скандираа „Трошоците за живот стануваат неподносливи“ и „Неприфатливо е да се биде посиромашн покрај работа“.

Протестот, на повик од синдикатите, доаѓа еден ден по националниот штрајк на државните службеници кои бараат зголемување на платите. Тој штрајк се одрази на работата на училиштата и болниците, додека ѓубреџиите не го собираа ѓубрето по улиците.

Синдикатите бараат и контрола на цените на основните прехранбени производи, помош за спречување на порастот на кириите и хипотеките, како и мерки за борба против социјалната несигурност.

Во текот на 2022 година, стапката на инфлација во Португалија достигна ниво од 7,8 отсто, највисоко во последните 30 години.

Share on Facebook

Tweet

Follow us

Save