Матеј Периш вечерта користел наркотици? – Неговиот татко во шок и неверување

Добро го познавам Матеј и повторно тврдам дека тој никогаш, никогаш не земал наркотици. Шокиран сум од информацијата која се појави во медиумите дека купиле спид на пат кон Белград. Ако информациите се од истрагата, зошто се појавуваат месец и десет дена по неговото исчезнување, ја започнува приказната Ненад Периш, таткото на исчезнатиот млад човек од Сплит.

– Очигледно мојот син е виновен за неговото исчезнување. Повторувам, мене ме интересира само вистината, каква и да е. Никој никогаш не ми кажа дека Матеј се случувално да исчезне и по 15 часа. Па, претпоставувам дека како татко би морал да го знам тоа, претпоставувам дека некој би го барал. Мојот син имаше многу планови за иднината и сето тоа ми изгледа неприфатливо – тврди Периш.

Она што таткото сака да го знае е кој и дал информации на полицијата за користењето на дрога спид.

– Во Белград сум од првиот ден. Никој од неговите пријатели не ми спомна дека застанале да купат наркотици. Сето ова ми изгледа како филм – вели Периш.

Очајниот татко, се уште останува во Белград.

– Немам потреба да одам никаде додека не го најдам мојот син во каква било состојба. Хрватската полиција повторно беше во Белград и ми рекоа дека истрагата е во тек. Сакам одговор на две прашања – дали Матеј бил сам во близина на Сава и како објаснуваат зошто два и пол часа подоцна бил пронајден сигналот на неговиот телефон кај големиот воен остров – вели Периш.

Матеј Периш (27) од Сплит, исчезна ноќта меѓу 30 и 31 декември минатата година. Полицијата се уште истражува. На крајот на неделата во Белград пристигнаа хрватски инспектори за да разменат информации со колегите од Србија.

Share on Facebook

Tweet

Follow us

Save