INFOMAX.MK

Вања Ѓорчевска од Скопје, 14-годишна ученичка во деветто одделение, е исчезната од утринава. Како што појаснува нејзината мајка Зорица за ,,Фокус”, таа тргнала кон училиштето кое било седум минути оддалечено од нивниот дом, утринава во 7.20 часот.

Во 7.34 телефонот и бил исклучен, а од Вања немало траг. Полседен пат била видена во Дебар Маало, на пат кон Песталоци.

-Никогаш не се случило вакво нешто, ќерка ми е примерна ученичка, одговорна личност. Се сомневам дека е киднапирана! Обично на училиште оди заедно со сестра и, денес сестра и остана дома и Вања тргна сама. Другарките не знаат ништо, класната наставничка е вознемирена, проверивме социјални мрежи, нема ништо! Затоа и се поголем ни е сомнежот дека е насила одведена – појаснува вознемирената мајка.

Вели дека случајот го пријавила во полиција.

Девојчето било облечено во црни пантолони со странични џебови, светло плав џемпер, црна кратка зимска јакна и бели Најк патики со кафеава лента.

Секој кој има било каква информација да се јави во полиција или пак кај мајката на телефонскиот број 075 400 816.