Мајка го удирала тримесечното бебе од асфалт во Тетово, ужаснати очевидци ѝ го одзеле

Грозоморно насилство врз тримсесечно бебе од страна на неговата мајка. На улица во Тетово го трескала од земја, шокирани очевидци ја спречиле и викнале полиција.

„Во 16:00 часот во СВР Тетово било пријавено дека во 15:30 часот Б.М. била забележанакако физички го малтретира и удира во асфалт своето тримесечно бебе, лицата што го забележале тоа ѝ го одземале детето и го пријавиле случајот во полиција“, изјави Фатмир Реџепи, портпарол на СВР Тетово.

По брза реакција на полицијата за овој ужасен чин биле приведени 42 годишна прилепчанка и нејзиниот 37 годишен сопруг од селото Сараќино, а потоа биле известени и соодветните институции.

„За настанот e известен социјален работник од дом за малолетници а двете лица се задржани во полициска станица и по документирање на случајот и во координација со јавен обвинител против нив ќе следува соодветна пријава.“

Досега се знае дека осомничените се родители на детето и дека се работи за фамилија која страда од ментални нарушувуања а откако ќе биде готова целосната документација на настанот, ќе бидат поднесени пријави против мажот и жената додека институциите се во процес на утврдување на сите поврзани околности околу случајот.

Share on Facebook

Tweet

Follow us

Save