Мајка и петгодишно дете загинаа во поплавите во Пеќ

Во поплавите што синоќа ја зафатија општина Пеќ животот го загубија петгодишно дете и неговата мајка, пренесува Коха.
Откако потврди давење на петгодишно дете, косовската полиција соопшти дека без знаци на живот е пронајдена и исчезнатата мајка. Инцидентот се случил во населбата „Аслан Ќешме“.

Градоначалникот на Пеќ Газменд Мухаџери изрази сочувство за смртта на мајката и нејзиното петгодишно дете.

„Ова е сериозна и горчлива ситуација за нашиот град. Во ова тешко време изразувам сочувство и целосна солидарност. Се надевам дека ќе имаат сила да ја надминат оваа ситуација“, напиша Мухаџери на Фејсбук.

Тој додаде дека општинските екипи се на терен и ја следат состојбата предизвикана од поплавите.

Share on Facebook

Tweet

Follow us

Save