Мајк Пенс: Русија нема да застане во Украина

Мајк Пенс, поранешниот потпретседател на САД и еден од кандидатите за претседателска номинација на Републиканската партија на изборите во 2024 година, смета дека е неопходно да се продолжи со поддршката за Украина, бидејќи очекува дека, доколку Киев биде поразен, руската армија ќе ја премине границата на една од земјите на НАТО.

„Очекувам дека ако Русија ја победи Украина, нема да помине долго пред руската војска да ја премине границата, кога нашите мажи и жени во униформи ќе треба да тргнат во битка“, рече тој во интервју за NBC News.

Пенс истакна дека може да се работи за преминување на границата на „сојузниците на НАТО – Полска, Естонија, Летонија, Литванија“.
Според американскиот претседателски кандидат, сегашниот скептицизам меѓу Американците во однос на воената поддршка за Украина е „одраз на недовербата во претседателот Џозеф Бајден како врховен командант“.

„Во наш национален интерес е руската војска да биде истисната од Украина, а не Џо Бајден да зборува за големи демократски цели“, рече Пенс, додавајќи дека тоа исто така ќе испрати сигнал до Кина за Тајван и за други места во азиско-пацифичкиот регион.

Share on Facebook

Tweet

Follow us

Save