МАЈОР КАЛМИКОВ ВО 1878: Јас сум назначен за водач на македонските востаници, писмата без Македон, ќе ви бидат враќани – тоа име нема да загине!
Денеска се навршуваат 144 години од Македонското востание дигнато во Кресна во Пиринска Македонија на кое Бугарија му го менува името во Кресненсо-Разлошко со цел да се избегне „македонско“ во идентитетот на востанието.
Сведоштво за ова е објавено на страницата за историја на Фејсбук Macedonia : a True Endless Story… која објавува документи и теми од историјата на Македонија.
Во продолжение целата објава:
Адам Калмиков, 1878 г.: Писмата без „Македон”, ќе ви бидат враќани. Тоа име нема да загине!
Горноџумајскиот огранок на бугарскиот комитет „Единство“ сакал да го избегне името Македонија и неговите изведенки.
Писмо – „ Добиено на 11 октомври – До Џумајскиот македонски комитет!
По волја на народот и на војската, јас сум назначен да бидам водач на македонските востаници. Јас го назначив Димитрија П. Георгиев да биде начелник на штабот, а тоа им го соопштив на сите комитети. Вие се стегате да напишете ‘од Македонскиoт комитет’. Тоа име нема да загине, и поради тоа изјавувам дека без зборот ‘Македон’, вашите писма ќе бидат враќани назад. И, ве молам изестете ги сите комитети.
9 октомври 1878 година
А. Калмиков “
Адам Калмиков е руско-казачки мајор и воен водач во Македонското кресненско-разлошко востание од 1878 – 79 г.
Комитетот „Единство“ е велико-бугарска организација основана 1878 г., во Велико Трново, со ограноци во повеќе градови. Целта на комитетот е припојување на Тракија и цела Македонија кон новосоздадената бугарска држава. Затоа и го помагаат Македонското востание.

ПОВРЗАНИ ВЕСТИ
Ахмети: Македонските, албанските и српските криминалци соработуваат,…
Криминалот не познава етнички граници, додека политичарите…
ПРЕКИН НА КЛУЧЕН ПОДМОРСКИ ИНТЕРНЕТ-КАБЕЛ: Пакистан се…
Сериозни нарушувања во интернет-комуникациите се пријавени во…
Се запалиле бандери за електрична енергија во…
Скопските пожарникари вечерва имале полни раце работа.…
Горело патничко возило, ЦУК се огласи за…
Пожар избувнал вечерва во подземниот паркинг на…
ГОЛЕМ ПРЕКИН НА ИНТЕРНЕТОТ ВО ШВАЈЦАРИЈА: Проблеми…
Голем прекин на интернет-услугите вечерва, 18 ноември,…