МВР му поднесе кривична пријава на Беким Мемети, затвореникот од Идризово кој имаше филмско бегство

СВР Скопје поднесе кривична пријава против Б.М.(37) од Тетово, поради постоење основи на сомнение за сторени кривични дела „убиство во обид“ и „бегство на лице лишено од слобода“.

-На 12.01.2023 на автопатот „Пријателство“, додека бил вршен спровод на пријавениот, осудено лице, од Казнено-поправната установа Идризово до Комплексот клиники „Мајка Тереза“ Скопје, тој одзел службен пиштол од вработен во затворската полиција и испукал еден проектил, со кој го ранил.

Притоа, службеното возило застанало, а пријавениот излегол од возилото и влегол во патничко возило „ауди“ без регистарски ознаки и заминал, информира МВР.

По бегството на Мемети суспендирани од работа беа четворица затворски полицајци кои го спроведувале осудениот од КПУ Идризово во Ургентниот центар „Мајка Тереза“ и командирот кој ја издал наредбата.

Share on Facebook

Tweet

Follow us

Save