Медведев:„Зеленски, не те гаѓавме… да ни беше тоа намерата – ќе те погодевме“

Русија не ја нападна делегацијата на украинскиот претседател Володимир Зеленски за време на ракетниот напад на пристаништето Одеса, изјави заменик-претседателот на Советот за безбедност на Русија, Дмитриј Медведев.

Тој рече дека „Москва ќе ја погодеше целта доколку тоа беше нејзината намера“ и дека на „сите“ им е очигледно дека немало планиран напад врз конвојот.

Советникот на претседателот на Украина претходно денеска изјави дека не може да се исклучи дека рускиот ракетен напад врз Одеса бил насочен кон делегацијата на Зеленски и грчкиот премиер Киријакос Мицотакис, кои беа во посета на Украина.

Лидерите ги проверуваа капацитетите за жито во градот на Црното Море кога Русија изврши напад врз пристанишната инфраструктура таму, на што двајцата лидери изјавија дека биле сведоци, пренесе Ројтерс.

Share on Facebook

Tweet

Follow us

Save