МЕДВЕДЕВ БРУТАЛЕН: Знаете ли чие оружје убива по Блискиот исток и од каде тоа таму?

Оружјето што Соединетите Американски Држави им го доставија на Авганистан и Украина сега се користи, меѓу другото, и во палестинско-израелскиот конфликт, вели заменик-претседателот на Советот за безбедност на Русија Дмитриј Медведев во напис за „Известија“.

– Невозможно е да се наброи колку смртоносни оружја, огромни пари, испратија САД и нивните сојузници во НАТО за да му помогнат на неонацистичкиот режим во Киев. Колку оставија при неславното бегство од Авганистан – истакна Медведев.

Тој истакна дека „истовремено, никој не бил изненаден или загрижен што воената опрема на вазалните земји континуирано била крадена и преку шверцерски канали доаѓала во рацете на разни терористи и екстремисти“.

– Очекувано, денеска е очигледен факт: американското оружје во Киев и Авганистан убива луѓе и во Израел – напиша Медведев.

Тој привлече внимание на фактот дека во Конгресот, „со навидум гнев“ бараат „итна истрага“ од каде Хамас го добил ова оружје и „побрзаат да ги обвинат Иран, Сирија, Русија или било кој, освен самите себе“.

– Лицемерие од највисоко ниво – изјави Медведев.

Претходно политичарот оцени дека американското стапало е јасно видливо на секој чекор од палестинско-израелскиот конфликт уште од 40-тите години на минатиот век, САД направија се за да ги спречат спротивставените страни мирно да се разделат.

Share on Facebook

Tweet

Follow us

Save