Медведев: Каква ќе беше реакцијата Русија да побараше евакуација на поголем град во Украина?

Западните земји срамно молчат за барањето на Израел да се евакуираат повеќе од милион жители на Газа на југ, изјави заменик-шефот на Советот за безбедност на Русија, Дмитриј Медведев.

„Повеќе од милион жители на Газа треба итно да бидат евакуирани на југот на Појасот на барање на израелската армија. Сите ‘западни партнери’ срамно молчат. Се прашувам, каква би била нивната реакција на слично барање до режимот во Киев за евакуација на еден од поголемите градови?“, напиша Медведев на својот Телеграм канал.

Претходно, израелските одбранбени сили ги повикаа цивилите да се евакуираат од градот Газа на југ. Израелската армија вети дека граѓаните на Газа ќе можат да се вратат во своите домови и дека ќе биде издадено соодветно известување.

Израелската армија исто така нагласи дека жителите не треба да се приближуваат до зоната на безбедносната ограда на границата со Израел. Во соопштението се тврди и дека борците на Хамас се кријат во тунелите под куќите и зградите во Газа.

Share on Facebook

Tweet

Follow us

Save