Медведев: Трамп ја скрши Украина

Американскиот претседател Доналд Трамп го „скрши“ „режимот во Киев“ и сега ќе мора да ја плати американската помош со природни ресурси, изјави заменик-претседателот на рускиот Совет за безбедност Дмитриј Медведев.

„Сега ќе мора да плаќаат за испораки на воена опрема со националното богатство на земја што исчезнува“, напиша тој на социјалните мрежи. Во исто време, американскиот Сенат предводен од републиканците се подготвува да воведе „разорни санкции“ против Русија.

„Да видиме како ќе реагира новата администрација. Рејтингот на Трамп падна, а „длабоката држава“ жестоко му се спротивставува“, заклучи Медведев. Како што пишува „Блумберг“, цитирајќи го сенаторот Линдзи Греам, САД би можеле да воведат царини од 500 проценти за Русија и нејзините сојузници доколку рускиот претседател Владимир Путин не започне преговори за прекин на конфликтот. Според него, законот е поддржан од 72 сенатори. Во меѓувреме, Вашингтон и Киев потпишаа договор за природните ресурси на Украина, објави претходно Министерството за финансии на САД.

Share on Facebook

Tweet

Follow us

Save