Медитеранот бара Европа да се подготви за можен нов миграциски бран од Блискиот Исток

Грција, Италија, Кипар и Малта побараа Европската Унија навреме да се подготви за можен нов миграциски притисок поврзан со нестабилноста на Блискиот Исток. Четирите медитерански земји предупредуваат дека е потребен координиран одговор за да не се повтори кризата од 2015 година.

Во заедничката позиција се бара засилена заштита на надворешните граници, побрзо спроведување на новиот Европски пакт за миграција и азил, поддршка за населението погодено од конфликтите и посилна соработка со земјите на потекло и транзит.

Медитеранските држави предупредуваат и на можност миграцијата да се користи како политички притисок или хибридна закана. Италијанскиот министер за внатрешни работи Матео Пјантедози треба да биде домаќин на нова средба во Рим на 17 јуни 2026 година, на која ќе се разговара за заеднички мерки и кризна подготвеност.

Share on Facebook

Tweet

Follow us

Save