Медиуми: Аренаспорт на Косово емитуваше „Слава на хероите“, регулаторот најавува истрага

„Арена спорт“ која ја пренесуваат повеќе кабелски оператори во Косово, во саботата во неколку спортски емисии емитуваше снимки поврзани со случајот со нападот во Бањска во Звечан, пишува РТК2.

Претседателот на независната комисија за медиуми (КМП), Јетон Мехмети преку објава на Фејсбук изјави дека синоќа многу граѓани го информирале, дури и на радиодифузери кои се лиценцирани од КПМ.

Мехмети вети дека наодите од овие преноси ќе бидат анализирани утре, а за случајот ќе се решава на седница на Комисијата во вторник.

„Синоќа добивме известување од бројни граѓани дека дел од дистрибутивните оператори кои поседуваат КПМ лиценца на своите платформи емитуваат видео пораки кои го загрозуваат националниот ред и безбедност. Денеска веднаш почнавме да собираме докази. Утре ќе ги анализираме наодите и во вторник ќе одлучуваме за случајот на седница на Комисијата“, напиша Мехмети на Фејсбук.

Во презентираното видео кое го пренесоа повеќе кабелски оператори во Косово, се искажуваат пофалби за напаѓачите кои беа убиени во акцијата на косовската полиција, во Бањска кај Звечан на 24 септември, каде беше убиен наредникот Африм Буњаку.

На видеото се гледа манастирот Бањска и датумот 24 септември кога се случи нападот.

Share on Facebook

Tweet

Follow us

Save