Мексиканскиот Сенат изгласа закон за национализација на резервите литиум во земјата

Сенатот на Мексико го изгласа Законот за национализација на резервите и правото на експлоатација на литиум.

Сенатот легислативата ја усвои откако претходно законот во понеделникот беше одобрен и во Долниот дом на мексиканскиот Конгрес. Се очекува дека законот ќе го парафира и претседателот Андрес Мануел Лопез Обрадор.

Според одредбите од законот, ексклузивни права на експлоатација на литиумот ќе има државна компанија. Во Мексико засега нема таков субјект, а мексиканските власти немаат искуство во ископувањето литиум.

Моментално во Мексико има само еден рудник за литиум со кој стопанисува кинеска фирма, а истиот сè уште не е оперативен.

Засега не е познато дали и тој рудник што се наоѓа во северниот дел на Мексико ќе биде преземен од мексиканските власти.

Share on Facebook

Tweet

Follow us

Save