Меркел: Израел не треба да се поистоветува со сегашното раководство под Нетанјаху

Поранешната германска канцеларка Ангела Меркел изрази силна поддршка за израелското население, правејќи разлика помеѓу израелскиот народ и сегашната влада, пренесува „Dpa“.

-Голем дел од израелското граѓанско општество верува дека мерките на владата „веќе не се соодветни туку прекумерни и премногу далекусежни“, рече Меркел на церемонијата на доделување награди во германскиот град Баден-Баден во среда.

Сепак, таа рече дека секогаш безрезервно ќе го поддржува фактот дека луѓето во Израел сè уште можат слободно да ги изразуваат своите мислења и да живеат во демократија.

-Израел не треба да се идентификува со сегашното раководство под премиерот Бенјамин Нетанјаху, кажа Меркел. Информира дека за време на нејзиниот мандат како канцеларка, таа не се согласувала со израелскиот колега „за многу, многу прашања“.

-Многумина од нас ќе застанат на страната на израелската опозиција, рече Меркел како одговор на прашање на студент на церемонијата на доделување награди. Но, граѓанското општество е исто така дел од Израел, а Хамас и Иран сакаат да го уништат, нагласи таа. Затоа, може да се критикува она што се случува таму и веродостојно да се залага за човекови права, вели екс-канцеларката. И затоа, според неа, безбедноста треба да биде во фокусот на германската политика.

Поранешната канцеларка ја доби првата почесна награда од Агенцијата за истражување на пазарот „Медиа контрола“, за нејзините мемоари „Слобода“, кои беа прогласени за најдобра биографија во последните десет години.

Веќе на денот на објавувањето во ноември, во Германија беа продадени повеќе од 100.000 примероци од книгата, што е нов рекорд за германските издавачи, според „Медиа контрола“.

Оттогаш, речиси еден милион примероци се продадени во Германија, Австрија и Швајцарија, а илјадници примероци од книгата, која има над 700 страници, сè уште се продаваат секоја недела.

Share on Facebook

Tweet

Follow us

Save